„Социјалните мрежи опасни за јавното здравје“
Најголемиот американски град Њујорк ги прогласи социјалните мрежи за – „опасни за јавното здравје“ и на тој начин стана првиот поголем град во САД кој се одлучи на еден ваков чекор.
„Гледајќи опасност во социјалните мрежи и она што тие претставуваат за младите луѓе, како и за менталното здравје воопшто, комесарот за здравство и за ментална хигиена на градот Њујорк др. Ашван Васан издаде упатство од страна на комесаријатот дека – непопречуваниот пристап до социјалните мрежи и таквото нивно користење, се -опасни за јавното здравје на луѓето“- објави градоначалникот на градот Ерик Адамс, во своето годишно обраќање.
Заштита на младите
Станува збор за потег на локалната власт и за мерка која- практично- се изедначува со од порано донесеноти упатство за опасноста за јавното здравје што ја имаат тутунот и пушењето, како и огненото оружје .
Градоначалникот Адамс ги повика компаниите кои ги поседуваат социјалните мрежи да направат се што тие можат да направат за да – не се потикнува криза во менталното здравје- а посебно меѓу младите генерации.
„Социјалните мрежи како што се ТикТок, потоа Јутјуб или Фејсбук сега потикнуваат криза на менталното здравје , на тој начин што ги дизајнираат своите платформи со вистински заразни , но и опасни функци„- рекол Адамс.
„Бизнис за сметка на здравјето“
Според него, не смее повеќе да се дозволи и да се толерира – „останувањето настрана ( без да се реагира) , зз да им се дозволи на големите технолошки компании да прават пари со приватноста на децата и да го загрозуваат нивното ментално здравје“.
Одлуката на властите во десетмилионскиот Њујорк е првата ваква мерка за ставање на социјалните мрежи под некаква контрола.
Но, во САД, како и во Европа веќе се засилува притисокот врз компаниите- чии сопственици се меѓу десетмината најбогати луѓе во светот- да се натераат за воведување на разни ограничувања и мерки за заштита на корисниците од она што платформите го прават- против менталното јавно здравје.
Признание на Цукерберг
Фејсбук и Инстаграм веќе најавија воведувања ограничувања за пристап на одредени содржани за адолесценти , за да се промовира безбедна и соодветна програма за нивната возраст.
Пребарувањето на одреденеи зборови, како што се – самоповредување, самоубиство, пореметување во исхраната, или булимија – нема да може да се отвараат за адолесценти. Новата конфигурација , исто така, го ограничува и пристапот за други корисници- означени како пријатели, потоа како испратени налози, како и можноста да се коментираат поставените пораки.
Изминатата есен, самиот сопственик на компанијата Мета, Марк Цукерберг призна дека има направено грешки со Фејсбук и со Инстаграм. Фејсбук во меѓувреме најави воведување важна опција за заштита на приватноста- Месинџер на оваа социјална мрежа станува како WhatsApp.
