Австралија : Огромна плата за работа во зафрлено место
Малото место Џулија Крик, што се наоѓа во периферните делови на Австралија кои се многу ретко населени, има распиѓано конкурс за лекар во местото и притоа нуди плата и разни бенифиции што никаде на друго место не може да се добијат.
На лекарот кој ќе прифати да работи во местото, му се нуди плата ( која во евра) изнесува 400 илјади годишно, или седум пати повеќе од австралискиот просек, потоа бесплатно сместување, мошне дарежлив (скап и платен) годишен одмор од пет недели и уште други погодности, како одржување на автомобилот и можност за усовршување.
Но, за ваквита дарежливост на градските татковци на Џулија Крик, идниот лекар треба да прифати да живее во ова место кое има само 550 жители.
Освен тоа, наблиското населено место што би можело да се означи како град е на 3,5 часови со автомобил, а првиот погплем град ви сојузната држава Квинсленд е на осум часови возење. Градот Бризбејн, пак, како главен град на оваа австралиска држава и трет по големина во земјата, е одалечен 1600 км.
Ова не е прв пат Џулија Крик да бара лекар за општа пракса, па во 2022 година бил распишан конкурс кој предизвикал интерес во целиот свет. Бил најден лекар и тој се вработил, но сега има дадено отказ.
Австралиските медиуми пишуваат дека лекарот во ова мести ќе го пречекаат „пеколни“ температури и големи горештини, пустинска панорама и наезда на разни инсекти.
Австралија од секогаш има проблеми со лекари во внатрешноста на земјата, посебно на крајно одалечените и периферни локации, па локалните власти настојуваат ситуацијата да ја решеваат со вакви екстра понуди за вработување.
